Ny fisk på plass til sesongopning: Møt livet i Lærdalselvi på nært hald
Fredag 1. mai opnar besøkssenteret dørene for sesongen og førebuingane er godt i gang. Me har vore ute i elva og fanga laks og sjøaure til vising for besøkande!
Dei siste dagane har me vore ute og fanga både laks og sjøaure som no er klare for å møta publikum. Dette gir ei heilt unik moglegheit til å oppleva fisken på nært hald.
Visste du at laksane gjekk opp i Lærdalselvi i fjor? Dei har overlevd gytinga og stått i elva heile vinteren utan å ete. Dei er lange og slanke. Me kallar dei for vinterstøingar.
Sjøaurane tek mat til seg i elva, og er rundare og feitare. Kjem du innom får du sjå dei på nært hald.
Ta turen innom oss frå 1. mai for å bli betre kjend med livet under overflata i ei av Noregs mest kjende lakseelver.
Meir om utstillingane våre
Opningstider og prisar
Klikk på bilda for stor visning.
