Om oss
Besøkssenter villaks Lærdal har som føremål å formidle kunnskap om den ville atlantiske laksen.
Vidare skal me legge til rette for dialog, kommunikasjon og samhandling mellom aktørar med interesser knytt til villaksen og hans leveområde.
Ei djupare forståing av laksen
Grunnsteinen i eit berekraftig samfunn er forståing av natur og artar sin eigenverdi, og eit samspel mellom natur og menneske, bygd på desse verdiane.
Villaksen er ein miljøindikator – har han det bra så er miljøet bra. Me ønsker difor å gje ei djupare forståing av laksen og livet hans innafor ei større ramme. Opne nye perspektiv som grunnlag for refleksjon, skape eit ønske om å vite og lære meir, skape interesse og entusiasme for å ta vare på villaksen og leveområda hans.
Nasjonalt og lokalt er det sterke spenningar og motsetnader mellom aktørar – kraftselskap, laksefiskarar, fiskerettshavarar, urfolk, oppdrettarar m.m. - med interesser knytt til villaksen og leveområda hans.
Me ønsker gjennom dialog, seminar, konferansar og samtale å legge me til rette for felles forståing og kunnskap for å samle kreftene og ta vare på villaksen.