Lær flugekasting med Matias Lilleheim under Gytefestivalen
Har du lyst til å prøve flugekasting, eller kanskje bli endå betre på teknikken? Under Gytefestivalen til helga får du høve til å lære av den røynde instruktøren Matias Lilleheim.
I år er me så heldige å ha Matias Lilleheim med på laget. I tillegg til å vere ein ivrig flugefiskar er han også ein skikkeleg «kaste-nerd».
Matias vil både demonstrere ulike kasteteknikkar, instruere og hjelpe dei som vil prøve seg. Her er det noko å hente for alle aldersgrupper, anten du er nybyrjar eller har fiska med fluge i mange år.
Aktiviteten går føre seg utanfor Besøkssenter villaks Lærdal og passar for både små og store.
Tid og stad:
Laurdag 24. oktober kl. 12.00–14.00
Utanfor Besøkssenter villaks Lærdal
Velkomen til ei lærerik og kjekk stund med flugekasting!
